Mendi irteera Adarrara 2015-12-27
Joan den igandean, abenduak 27, txangoa egin genuen Mendira Euskaraz ekimenaren barruan, Euskara Batzordeak antolatuta.Koadrila ederra elkartu ginen eta giro onean igo ginen Adarra tontorrera. Han haize zakarra zebilen arren, ez zen nahikoa izan gu atzera botatzeko… Eta hamaiketakoa egin ondoren denok gustura jaitsi ginen abiapuntura, Besabira, alegia.
Eskerrik asko parte hartu zenuten guraso eta haur guztioi eta espero dugu hurrengo irteeran ere elkar ikustea! (martxo aldean izango da).
Martuteneko Euskara Batzordea